Илкай Гюндоган келаси мавсум қайси жамоада ўйнашини ҳали ҳал қилмаган.
ESPN хабарига кўра, ярим ҳимоячи "Манчестер Сити"га ёзда кетиш нияти ҳақида айтмаган ва клуб у билан шартномасини узайтира олишига умид қилмоқда. “Шаҳарликлар” унга бир йилга шартнома имзолашни таклиф қилишади.
Улар немис футболчисини олиб қолишмоқчи, чунки улар бошқа ярим ҳимоячиларга ишончлари комил эмас. Қайд этилишича, Калвин Филлипс “Лидс”дан ўтганидан сўнг биринчи мавсумда муаммоларга дуч келган ва агар топ жамоадан таклиф тушса, Бернарду Силва кетишга тайёр.
"Барселона" ва камида битта итальян клуби Илкай билан боғлиқ вазиятни кузатмоқда.
Футболчининг ўзи ҳамон бор эътиборини мавсумни муваффақиятли якунлашга қаратган ва у якунлангандан кейингина нима қилишини ҳал қилади.
Гюндоган жорий мавсумда Премьер-лигада 30 та ўйинда майдонга тушиб, 8 та гол урган.
