Superliga 10-turidan o‘rin olgan «Neftchi» – «Bunyodkor» (1:0) uchrashuvidan so‘ng toshkentliklar bosh murabbiyi Murod Otajonov o‘z fikrlarini bildirib o‘tdi.

“So‘nggi daqiqalarda darvozamizdan to‘p olib chiqqanimiz juda ham alamli bo‘ldi. Bugungi bellashuv har taraflama og‘ir bo‘ldi. Kelgusi turda «Navbahor» bilan murakkab bellashuv kutib turibdi. O‘sha bahsga tayyorgarlik ko‘ramiz.

Yuzaga kelayotgan qulay imkoniyatlar ustida ko‘proq ishlash kerak, deb hisoblayman. Vaziyatlar bo‘lmaganida ham, nimaga vaziyatlar bo‘lmayapti degan savol berilar edi.

Golning ketidan quvib, aksincha, o‘z darvozamizdan o‘tkazib yuborishimiz mumkin edi. Shuning uchun har bir futbolchi o‘z vazifasini bajargani yaxshi deb o‘ylayman.

Kubokdagi bellashuvda ko‘proq yosh futbolchilarga imkoniyat bergan edik. Farg‘onaliklar tarkibida ham butunlay boshqa futbolchilar maydonga tushgan edi. Yoshlarning imkoniyatini ko‘rib olish uchun o‘sha bahs ham kerak edi. Kubok va chempionatdagi o‘yinning farqi katta”, – dedi Otajonov.