Суперлига 10-туридан ўрин олган «Нефтчи» – «Бунёдкор» (1:0) учрашувидан сўнг тошкентликлар бош мураббийи Мурод Отажонов ўз фикрларини билдириб ўтди.

“Сўнгги дақиқаларда дарвозамиздан тўп олиб чиққанимиз жуда ҳам аламли бўлди. Бугунги беллашув ҳар тарафлама оғир бўлди. Келгуси турда «Навбаҳор» билан мураккаб беллашув кутиб турибди. Ўша баҳсга тайёргарлик кўрамиз.

Юзага келаётган қулай имкониятлар устида кўпроқ ишлаш керак, деб ҳисоблайман. Вазиятлар бўлмаганида ҳам, нимага вазиятлар бўлмаяпти деган савол берилар эди.

Голнинг кетидан қувиб, аксинча, ўз дарвозамиздан ўтказиб юборишимиз мумкин эди. Шунинг учун ҳар бир футболчи ўз вазифасини бажаргани яхши деб ўйлайман.

Кубокдаги беллашувда кўпроқ ёш футболчиларга имконият берган эдик. Фарғоналиклар таркибида ҳам бутунлай бошқа футболчилар майдонга тушган эди. Ёшларнинг имкониятини кўриб олиш учун ўша баҳс ҳам керак эди. Кубок ва чемпионатдаги ўйиннинг фарқи катта”, – деди Отажонов.