«Inter» himoyachisi Franchesko Acherbi Chempionlar ligasi yarim finalida «Milan»ga qarshi javob o‘yini oldidan fikrlari bilan o‘rtoqlashdi.
Birinchi o‘yin «Inter»ning 2:0 hisobidagi g‘alabasi bilan yakunlangan edi.
«Bu «Milan»ga qarshi yarim final. Ular yana g‘alaba qozonishni xohlashadi. Biz buni bilamiz. Ammo ko‘p narsa o‘zimizga bog‘liq - bizning munosabatimiz va qat’iyatimiz.
«Milan» g‘ayrioddiy narsalar qilishga harakat qiladi. Shuning uchun siz yaxshi tayyorgarlik ko‘rishingiz kerak.
Umuman olganda, mavsumni yaxshi o‘tkazmoqdamiz, ammo nimadir yetishmayotgandek his ham bor. Keling, mavsum yakuniga qadar nima bo‘lishini ko‘ramiz, keyin xulosa qilishimiz mumkin», - deya Acherbining so‘zlaridan iqtibos keltiradi UYEFA sayti.
