“Manchester Siti” joriy mavsumdagi o‘yinlari bilan ko‘plab top-klublar qiziqishiga sabab bo‘lgan PSV Eyndxoven klubi yarim himoyachisi Xavi Simonsga ko‘z tikdi.
Scouts in Attendance nashriga ko‘ra, niderlandiyalik futbolchi haqiqatan ham Xosep Gvardiola jamoasini o‘ziga jalb qilmoqda.
20 yoshli Simons kattalar futbolidagi ilk to‘liq mavsumini o‘tkazmoqda. Avvalroq Xavi "Barselona" va "PSJ" akademiyalarida to‘p tepgan. Parijliklar jamoasida yarim himoyachi asosiy tarkib uchun bir nechta o‘yin o‘tkazdi.
Yozda "PSJ" Simonsni sotib olish huquqiga ega bo‘ladi, biroq futbolchi Parijga qaytishni istamasa, kelishuvni bloklashi mumkin.