Marokashlik yarim himoyachi Sofyan Amrabat Qatar mundialida ajoyib harakat qilib, dunyoning eng nufuzli klublari e’tiborini qozondi.
«Fiorentina» darhol uning uchun hayratlanarli narxni e’lon qildi, ammo endi, shartnoma muddati tugashiga bir yil qolganida, «binafsharanglar» balki o‘z narxlarini tushirishga majbur bo‘lar.
Italiyaning ITASportPress axborot agentligi xabariga ko‘ra, «Fiorentina» endi futbolchini 25 million yevro evaziga berishga tayyor.
Bu esa «Barselona»ga juda yoqadi, chunki Kataloniya superklubi lagerida Amrabat ketayotgan Serxio Busketsning o‘rniga ideal o‘rinbosar hisoblanadi.