"An-Nasr" klubi hujumchisi Krishtianu Ronalduning qallig‘i Jorjina Rodriges taniqli raqqos Jek Gomesning mashg‘ulotlarida ishtirok eta boshladi.

U o‘z ustozi bilan nojo‘ya tushgan raqsini instagramga joyladi. Bunday xatti-harakatlar esa Saudiya Arabistonida taqiqlangan. Saudiyaliklar Jorjinaga nisbatan o‘z noroziliklarini kommentlar orqali izhor qilishmoqda.

«Ularni Saudiya Arabistonidan deportasiya qiling», – deya yozdi ijtimoiy tarmoq foydalanuvchilaridan biri.

«O‘zi ular qaysi mamlakatda ekanini his etishyaptimi? Nazarimda, ular o‘zlarini haydab yuborishlari uchun shunday ishlarni qilishmoqda», – qo‘shimcha qildi boshqasi.