"Arsenal" darvozaboni Aaron Remsdeyl jamoasi bilan yangi shartnoma shartlariga ko‘ra maoshini ikki barobarga oshiradi. The Athletic xabariga ko‘ra, avvalroq ingliz futbolchisi haftasiga 70 000 yevro olgan bo‘lsa, yangi shartnoma imzolangandan keyin bu ko‘rsatkich 140 000 ga yetadi.
Tez orada yangi shartnoma imzolaydigan yana bir "Arsenal" futbolchisi Bukayo Saka bo‘ladi. Yarim himoyachi yiliga 17 million yevrodan ortiq maosh oladi.
Eslatib o‘tamiz, "Arsenal" shuningdek Vilyam Saliba bilan shartnomani uzaytirish borasida muzokaralar olib bormoqda. Markaziy himoyachi hozircha "kanonirlar"ning shartlarini qabul qilmayapti va o‘ziga kattaroq shartnomani qo‘lga kiritishga harakat qilmoqda.
