"Арсенал" дарвозабони Аарон Рэмсдейл жамоаси билан янги шартнома шартларига кўра маошини икки баробарга оширади. The Athletic хабарига кўра, аввалроқ инглиз футболчиси ҳафтасига 70 000 евро олган бўлса, янги шартнома имзолангандан кейин бу кўрсаткич 140 000 га етади.
Тез орада янги шартнома имзолайдиган яна бир "Арсенал" футболчиси Букайо Сака бўлади. Ярим ҳимоячи йилига 17 миллион евродан ортиқ маош олади.
Эслатиб ўтамиз, "Арсенал" шунингдек Вильям Салиба билан шартномани узайтириш борасида музокаралар олиб бормоқда. Марказий ҳимоячи ҳозирча "канонирлар"нинг шартларини қабул қилмаяпти ва ўзига каттароқ шартномани қўлга киритишга ҳаракат қилмоқда.
