Bernardu Silvaning fikricha, Pep Gvardiola futbol haqidagi tushunchasini o‘zgartirdi.

"Bu men faoliyatim davomida eng uzoq vaqt birga ishlagan murabbiy. U haqiqatan ham futbolga bo‘lgan nuqtai nazari va usullarida doimo nimanidir o‘zgartirib turadigan o‘ziga xos murabbiy.

U har doim nimadir o‘ylab topadi. Bir mavsumda uchta chempionlikni qo‘lga kiritganingizda, keyingi mavsumda ham xuddi shunday o‘ynaysiz, deb taxmin qilishingiz mumkin, ammo yo‘q.

Boshqa jamoalar bizning o‘yin uslubimizni qanday rivojlantirishimizni bilmasliklari uchun u doimo o‘zgarishlar qiladi.

Xullas, hech kim bizning o‘yinimizga ko‘nikmaydi. Va u doimo o‘zgarishlar qilgani uchun, har yili siz yangi narsalarni o‘rganasiz. Pep Gvardiola o‘yinga bo‘lgan munosabatimni o‘zgartirdi.

Boshida u bilan qiyin bo‘lsa-da, bir-ikki mavsumdan so‘ng u xohlaganini qiladi. Buni u bilan bir mavsumdan ortiq ishlagan har bir futbolchi tushunadi.

Ba’zida u mashg‘ulotlarga xotirjam holatda keladi. Bizga mashq qilish imkonini beradi.

Ammo bir kuni u paydo bo‘lib, bizni sindirdi: “Charchadingmi? Menga baribir. Yugurish va ko‘p mehnat qilish kerak”. U bizdan ko‘p narsa so‘raydi.

Nafaqat o‘yinlarda, balki mashg‘ulotlarda ham hamma diqqatini jamlashi kerak.

Agar u sizni 100 foiz ishlayotganingizni his qilsa, siz o‘ynamaysiz" - dedi “Manchester Siti” yarim himoyachisi Bernardu Silva France Football nashriga.