Insayder Nikolo Skiraning ma’lum qilishicha, "Inter" klubi rahbariyati bosh murabbiy Simone Indzagi bilan shartnomasini 2025 yilgacha uzaytirish bo‘yicha muzokaralarni boshlashga tayyor.

47 yoshli italiyalik mutaxassis bilan amaldagi kelishuv kelasi mavsum oxirigacha mo‘ljallangan.

Indzagi “Inter”ni 2021 yilning yozidan beri boshqarib kelmoqda. Uning qo‘l ostida jamoa Chempionlar ligasi finaliga chiqdi, mamlakat kubogi va ikki marta Italiya Superkubogini qo‘lga kiritdi.

A Seriyada mavsum yakunlanishiga uch tur qolganida jamoa uchinchi o‘rinni egallab turibdi. 5-o‘rindagi “Milan”dan farq 5 ochkoni tashkil etadi.