Инсайдер Николо Скиранинг маълум қилишича, "Интер" клуби раҳбарияти бош мураббий Симоне Индзаги билан шартномасини 2025 йилгача узайтириш бўйича музокараларни бошлашга тайёр.
47 ёшли италиялик мутахассис билан амалдаги келишув келаси мавсум охиригача мўлжалланган.
Индзаги “Интер”ни 2021 йилнинг ёзидан бери бошқариб келмоқда. Унинг қўл остида жамоа Чемпионлар лигаси финалига чиқди, мамлакат кубоги ва икки марта Италия Суперкубогини қўлга киритди.
А Серияда мавсум якунланишига уч тур қолганида жамоа учинчи ўринни эгаллаб турибди. 5-ўриндаги “Милан”дан фарқ 5 очкони ташкил этади.
