Yevropa Chempionlar ligasi yarim finalining 2-uchrashuvi javob bahsida "Manchester Siti" o‘z maydonida "Real"ni qabul qilib, yirik 4:0 hisobida g‘alaba qozondi.

O‘yinda 23-daqiqada Bernardu Silva hisobni ochdi, 37-daqiqada yana o‘sha Bernardu oradagi farqni 2 taga yetkazib qo‘ydi. 76-daqiqada Kevin de Bryuynening jarima zarbasidan uzatmasidan so‘ng Militao to‘pni o‘z darvozasiga to‘g‘irlab qo‘ydi. O‘yindagi so‘nggi golni zaxiradan maydonga tushgan Xulian Alvares kiritdi. U hakam tomonidan qo‘shilgan daqiqalarda Fodenning chiroyli pasini yakunlab qo‘ydi.

Manchester Siti Angliya – Real Madrid Ispaniya 4:0
17 may, 23.59, «Etixad Stedium»
Gollar: 1:0 – 23 Bernardu Silva, 2:0 – 37 Bernardu Silva, 3:0 – 76, avtogol Militao, 4:0 – 90 Alvares.
Manchester Siti – Ederson, Uoker, Ruben Diash, Akandji, Stounz, Gyundogan (Marez, 79), de Bryuyne (Foden, 84), Grilish, Bernardu Silva, Rodri, Xoland (Alvares, 89).
Real Madrid – Kurtua, Karvaxal (Vaskes, 80), Alaba, Militao, Kamavinga (Tchuameni, 80), Modrich (Ryudiger, 63), Kroos (Asensio, 70), Valverde, Vinisius Junior, Rodrigo (Sebalyos, 80), Benzema.
Ogohlantirishlar: Ruben Diash (50), Karvaxal (55), Gyundogan (62), Kamavinga (75), Grilish (90).