"Manchester Siti" bosh murabbiyi Pep Gvardiola YECHL yarimfinalining javob uchrashuvida "Real" ustidan qozonilgan yirik hisobdagi g‘alaba (4:0) haqida fikr bildirdi.

"Biz o‘zimizni uyda, o‘z devorlarimiz oldida beqiyos qulay his qilamiz. O‘tgan mavsumda "Real"dan alamli mag‘lubiyatga uchradik. Odamlar ko‘p aytishadiki, futbolchilarimga xarakter yetishmaydi. Ammo oradan bir yil o‘tib bizda alohida jamoa borligini ko‘rsatdik. Chempionlar ligasi finaliga chiqdik. Xursand bo‘lishimiz kerak. Hamma yuqori darajada edi. Bernardu Silva mana shunday bosqichlarda, hamisha shunday uchrashuvlarda yaxshi o‘ynaydi. U men ko‘rgan eng yaxshi futbolchilardan biri. Bugun birinchi daqiqalardanoq yigitlarning tayyor ekanligi sezildi. Jamoa tinch edi, ular ko‘p hazil qilishdi, shuning uchun men hech qanday keskinlik va xavotirni his qilmadim. Bugun o‘zimizni ko‘rsatishga tayyor ekanligimizni his qildim. Italiya jamoasiga qarshi final - eng yaxshi sovg‘a. "Inter" raqobatbardosh. Ammo bizda bu o‘yinga ruhan tayyorgarlik ko‘rish uchun vaqt bor", - dedi Gvardiola UYEFA matbuot xizmatiga.