"Roma" bosh murabbiyi Joze Mourinyo Yevropa ligasi yarim finalida Germaniyaning "Bayer" jamoasi bilan bo‘ladigan javob o‘yini haqida fikr bildirdi.
"Biz ushbu yarim finalda muxlislarimiz uchun g‘alaba qozonish niyatidamiz. Ular quvonchli his-tuyg‘ularga loyiqdir. Finalga chiqish uchun "Roma" benuqson o‘ynashi kerak. Uchrashuv qanday kechishini aytish qiyin. Hozircha hech narsa kafolatlanmagan. Oldinda uzoq yo‘l bor", - dedi portugaliyalik mutaxassis UYEFA matbuot xizmatiga.
Birinchi o‘yinda "Roma" 1:0 hisobida g‘alaba qozongan. Javob o‘yini 18 may payshanba kuni Leverkuzenda bo‘lib o‘tadi. Uchrashuv Toshkent vaqti bilan 23:59 da boshlanadi.