"Рома" бош мураббийи Жозе Моуриньо Европа лигаси ярим финалида Германиянинг "Байер" жамоаси билан бўладиган жавоб ўйини ҳақида фикр билдирди.
"Биз ушбу ярим финалда мухлисларимиз учун ғалаба қозониш ниятидамиз. Улар қувончли ҳис-туйғуларга лойиқдир. Финалга чиқиш учун "Рома" бенуқсон ўйнаши керак. Учрашув қандай кечишини айтиш қийин. Ҳозирча ҳеч нарса кафолатланмаган. Олдинда узоқ йўл бор", - деди португалиялик мутахассис УЕФА матбуот хизматига.
Биринчи ўйинда "Рома" 1:0 ҳисобида ғалаба қозонган. Жавоб ўйини 18 май пайшанба куни Леверкузенда бўлиб ўтади. Учрашув Тошкент вақти билан 23:59 да бошланади.