"Everton" yangi egasiga 600 million funt sterlingga sotilishiga yaqin turibdi.
Daily Mailnashri xabariga ko‘ra, klub kelasi hafta boshida AQSHning 777 Partners investisiya fondi tomonidan sotib olinishi kutilmoqda.
Bitim shartlaridan biri - yangi egasining yangi stadion qurilishiga 505 million sarmoya kiritish majburiyati.
"Everton"ning asosiy egasi Farhod Moshiri bo‘lib, 94% ulushga ega. Eronlik-britaniyalik tadbirkor 2016 yildan beri klubga egalik qiladi.
36-turdan so‘ng mersisaydliklar APL turnir jadvalida 17-o‘rinni egallab, quyi ligaga tushib ketish zonasidan bir ochko uzoqda joylashgan.
