"Эвертон" янги эгасига 600 миллион фунт стерлингга сотилишига яқин турибди.
Daily Mailнашри хабарига кўра, клуб келаси ҳафта бошида АҚШнинг 777 Partners инвестиция фонди томонидан сотиб олиниши кутилмоқда.
Битим шартларидан бири - янги эгасининг янги стадион қурилишига 505 миллион сармоя киритиш мажбурияти.
"Эвертон"нинг асосий эгаси Фарҳод Мошири бўлиб, 94% улушга эга. Эронлик-британиялик тадбиркор 2016 йилдан бери клубга эгалик қилади.
36-турдан сўнг мерсисайдликлар АПЛ турнир жадвалида 17-ўринни эгаллаб, қуйи лигага тушиб кетиш зонасидан бир очко узоқда жойлашган.
