Londonning "Arsenal" klubi mavsum oralig‘ida himoyachi Kiran Tirni bilan xayrlashishga tayyor.

Jurnalist Mett Louning yozishicha, 25 yoshli shotlandiyalik futbolchi "kanonirlar"ning yozda sotishga harakat qiladigan futbolchilar ro‘yxatiga kiritilgan.

E’tiborli tomoni shundaki, Tirnining o‘zi ham "Arsenal"dagi o‘yin amaliyotidan norozi. Futbolchi ko‘proq o‘yin amaliyotiga ega bo‘ladigan jamoaga o‘tishni xohlaydi. Kelgusi mavsumda Chempionlar ligasiga yo‘l olish imkoniyati yuqori bo‘lgan "Nyukasl" qiziqish bildirayotgan klublardan biridir.

Tirni joriy mavsumda Premyer-liganing 25 o‘yinida 1 ta golli uzatmani amalga oshirdi.