"Real Madrid"ning yozgi transferdagi maqsadlaridan biri o‘ng qanotda sifatli himoyachini qo‘lga kiritish. Daniel Karvaxalning beqaror o‘yinlari Madrid klubi rahbariyatini yangi futbolchi bilan shartnoma imzolashi kerakligiga sabab bo‘ldi.
Todofichajes xabariga ko‘ra, "qaymoqranglilar" Joau Kanseluga ko‘z tikishgan. Manbaning xabariga ko‘ra, "Real Madrid" 28 yoshli futbolchini ijara muddati tugagach, "Bavariya" uni "Manchester Siti"dan sotib olmasligini bilgach, uning transferi uchun allaqachon aloqaga chiqqan.
Transfermarkt portali ekspertlari Joau Kanseluni 60 million yevroga baholamoqda. Himoyachi Portugaliyaning eng qimmat futbolchilari reytingida oltinchi o‘rinni egallab turibdi.