"Реал Мадрид"нинг ёзги трансфердаги мақсадларидан бири ўнг қанотда сифатли ҳимоячини қўлга киритиш. Даниэль Карвахалнинг беқарор ўйинлари Мадрид клуби раҳбариятини янги футболчи билан шартнома имзолаши кераклигига сабаб бўлди.
Todofichajes хабарига кўра, "қаймоқранглилар" Жоау Канселуга кўз тикишган. Манбанинг хабарига кўра, "Реал Мадрид" 28 ёшли футболчини ижара муддати тугагач, "Бавария" уни "Манчестер Сити"дан сотиб олмаслигини билгач, унинг трансфери учун аллақачон алоқага чиққан.
Transfermarkt портали экспертлари Жоау Канселуни 60 миллион еврога баҳоламоқда. Ҳимоячи Португалиянинг энг қиммат футболчилари рейтингида олтинчи ўринни эгаллаб турибди.
