“Sevilya” bosh murabbiyi Xose Luis Mendilibar Yevropa ligasi yarim finalida “Yuventus” ustidan qozonilgan g‘alaba haqida fikr bildirdi.

“Biz murabbiylar shtabi “Sevilya”ga qo‘limizdan kelganini qilish uchun keldik va hozirgacha yaxshi ketmoqda. Biz ikkita buyuk klubni, "Manchester Yunayted" va "Yuventus"ni nokautga uchratdik va Budapeshtda yana bir buyuk jamoa va yana bir ajoyib murabbiyga qarshi o‘ynaymiz. Bu yerga kelganimizda odamlar bizni finalga chiqishadi, deb o‘ylamagandi, ammo bunga erishdik. Biz finalga chiqishga haqli edik.

Biz o‘yinda ustunlik qildik, ammo “Yuventus” oldinga chiqib oldi va ular qo‘lidan kelgan barcha ishni qilganga o‘xshardi. Keyin hisobni tenglashtirdik va bu bizni ruhlantirdi", - dedi Xose Luis Mendilibar.