“Севилья” бош мураббийи Хосе Луис Мендилибар Европа лигаси ярим финалида “Ювентус” устидан қозонилган ғалаба ҳақида фикр билдирди.

“Биз мураббийлар штаби “Севилья”га қўлимиздан келганини қилиш учун келдик ва ҳозиргача яхши кетмоқда. Биз иккита буюк клубни, "Манчестер Юнайтед" ва "Ювентус"ни нокаутга учратдик ва Будапештда яна бир буюк жамоа ва яна бир ажойиб мураббийга қарши ўйнаймиз. Бу ерга келганимизда одамлар бизни финалга чиқишади, деб ўйламаганди, аммо бунга эришдик. Биз финалга чиқишга ҳақли эдик.

Биз ўйинда устунлик қилдик, аммо “Ювентус” олдинга чиқиб олди ва улар қўлидан келган барча ишни қилганга ўхшарди. Кейин ҳисобни тенглаштирдик ва бу бизни руҳлантирди", - деди Хосе Луис Мендилибар.