Yevropa Ligasi 1/4 finalining javob o‘yinida “Sevilya” o‘z maydonida Turinning “Yuventus” klubini 2:1 hisobida mag‘lub etdi. "Sevilya" yarim himoyachisi Fernando ushbu uchrashuv haqidagi fikrlari bilan o‘rtoqlashdi.
"Bu mavsum biz uchun g‘alati bo‘ldi, biz juda ko‘p kurash olib bordik va qiyin vaziyatga tushib qoldik. Ammo so‘nggi bir necha oy ichida hamma narsa o‘zgardi, endi bizda finalga chiqishdan eyforiya bor. Jamoadagi har bir o‘yinchi muhim - biz maydonga tushamiz va foyda olib kelamiz. Bosh murabbiyimizni ham aytib o‘tmoqchiman, u doimo motivasiya berib turadi", - dedi Fernando UYEFA matbuot xizmatiga.
Yevropa ligasi finalida “Sevilya” “Roma”ga qarshi maydonga tushadi. Uchrashuv 31 may kuni Budapeshtda bo‘lib o‘tadi.
