«Arsenal» bosh murabbiyi Mikel Arteta yarim himoyachi Granit Jakaning «Bayer»ga o‘tgani haqidagi mish-mishlarga izoh berdi.
Eslatib o‘tamiz, bitim summasi 15 million yevroga baholanmoqda.
«Granit klubda juda hurmatli shaxs. Uning «Arsenal» bilan yaxshi tarixi bor. Jaka klub bilan qiyin kunlarni boshdan kechirdi va ko‘p yutuqlarga erishdi.
Nima bo‘lishidan qat’i nazar, biz buni albatta muhokama qilamiz, lekin hozir emas», dedi Arteta matbuot anjumanida.
Oldinroq Jakaning «Bayer»ga transferi allaqachon amalga oshgan deya xabar qilingandi. Granit o‘rniga «Arsenal» «Vest Xem»dan Deklan Raysni sotib olishni rejalashtirmoqda.