«Арсенал» бош мураббийи Микель Артета ярим ҳимоячи Гранит Жаканинг «Байер»га ўтгани ҳақидаги миш-мишларга изоҳ берди.
Эслатиб ўтамиз, битим суммаси 15 миллион еврога баҳоланмоқда.
«Гранит клубда жуда ҳурматли шахс. Унинг «Арсенал» билан яхши тарихи бор. Жака клуб билан қийин кунларни бошдан кечирди ва кўп ютуқларга эришди.
Нима бўлишидан қатъи назар, биз буни албатта муҳокама қиламиз, лекин ҳозир эмас», деди Артета матбуот анжуманида.
Олдинроқ Жаканинг «Байер»га трансфери аллақачон амалга ошган дея хабар қилинганди. Гранит ўрнига «Арсенал» «Вест Хэм»дан Деклан Райсни сотиб олишни режалаштирмоқда.
