"Manchester Yunayted" bosh murabbiyi Erik ten Xag hujumchi Markus Reshford bilan yangi shartnoma borasidagi muzokaralardagi muvaffaqiyat haqida gapirdi.
“Bu vaqt talab qilishini tushunaman. Lekin men jarayonning o‘zini muhokama qilmayman", - dedi ten Xag. - Ayni paytda bu eng muhimi emas. U va jamoa ajoyib mavsumni o‘tkazmoqda. Biz Chempionlar ligasiga chiqishimiz kerak. Bu sizning e’tiboringizni qaratishingiz kerak bo‘lgan narsadir. Markus qolishni istaydi va biz uni saqlab qolmoqchimiz, shuning uchun biz bunga yechim topamiz deb o‘ylayman."
Reshford - "Manchester Yunayted" tarbiyalanuvchisi. 25 yoshli angliyalikning shartnomasi 2024 yilning iyun oyi oxirigacha amal qiladi.
Joriy mavsumda hujumchi “Manchester Yunayted” safida barcha turnirlar doirasida 53 ta o‘yinda maydonga tushib, 29 ta gol urdi va 11 ta golli uzatmani amalga oshirdi.
