Premyer-liganing so‘nggi tur o‘yinlari hali yakuniga yetgani yo‘q, ammo Angliyadan keyingi mavsumda Chempionlar ligasida qaysi to‘rtta jamoa o‘ynashi deyarli aniq bo‘ldi. “Liverpul” o‘z maydonida “Aston Villa” bilan o‘yinda (1:1) ochko yo‘qotdi, parallel o‘yinda “Manchester Yunayted” “Bornmut”ni mag‘lub etdi (1:0).
Shu tariqa, Klopp jamoasi beshinchi o‘rinda qoldi va “Manchester Yunayted” va “Nyukasl”dan 3 ochko ortda qolmoqda. Demak, qolgan ikkita o‘yinning birida durang ham ikkalasiga ham yetarli bo‘ladi. Shu bilan birga, “Manchester Yunayted” o‘z maydonida “Chelsi” va “Fulxem” bilan o‘ynaydi, “Nyukasl” o‘z uyida “Lester” bilan, safarda “Chelsi” bilan to‘qnash keladi (agar ochkolar teng bo‘lsa, asosiy mezon – urilgan va o‘tkazib yuborilgan gollar farqi).
Chempionlar ligasining keyingi mavsumida Angliyadan “Manchester Siti”, “Arsenal”, “Nyukasl” va “Manchester Yunayted” o‘ynashi ehtimoli katta. "Manchester Yunayted" to‘rtinchi o‘rindan pastga tushmas ekan, Angliya kubogi finalida Manchesterning qaysi jamoasi g‘alaba qozonishi muhim emas. Endi har qanday holatda ham Yevropa ligasida yana bitta o‘rin Premyer-liga jadvalidan kelib chiqib taqsimlanadi.
Chempionlar ligasi: 1, 2, 3 va 4-o‘rinlar;
Yevropa ligasi: 5 va 6-o‘rinlar
Konferensiyalar ligasi: 7-o‘rin.
“Liverpul” ochko yo‘qotganiga qaramay, Yevropa Ligasi yo‘llanmasini kafolatladi. Oldindan o‘tib ketishi mumkin bo‘lgan yagona jamoa bu "Brayton", ammo oltinchi o‘rin ham aynan Yevropa ligasiga uchun chipta beradi. Har ikki jamoa saralash bosqichlarini chetlab o‘tib, guruh bosqichiga yo‘l oladi.
"Aston Villa" va "Tottenxem" Konferensiyalar ligasi yo‘llanmasi uchun kurashadi, agar "Brayton" hech bir o‘yinda qoqilmasa. So‘nggi turda “Brayton” ustidan qozonilgan g‘alaba “Aston Villa”ga Konferensiyalar ligasiga yo‘llanmasini kafolatlaydi. Ammo “Villa” qoqilsa, “Tottenxem” so‘nggi turda “Lids”ni mag‘lub etib, xalqaro turnirga yo‘l olishi mumkin.
“Brentford”ning Konferensiyalar ligasiga chirishi uchun kichik imkoniyat bor. Hozir ular "Villa" va "Tottenxem"dan ortda qolyapti va oxirgi turda "Manchester Siti" bilan o‘ynashi kerak.
