O‘zbekiston futbol hakamlari markazi Rahim Karimovni OFK rekrutingi 2-bosqichida ishtirok etishi bo‘yicha xabar tarqatdi.
Joriy yilning aprel oyida FIFA hakamlarimiz ishtirokida OFK rekrutingi doirasida uch bosqichli sinov bahslarining 1-bosqichi bo‘lib o‘tgani, unga ko‘ra, Rahimbek Karimov belgilangan talablarni to‘g‘ri bajarib, ilk bosqichni muvaffaqiyatli o‘tkazgani haqida xabar bergan edik.
Bir necha kundan so‘ng ushbu hakamimiz OFK rekrutingi 2-bosqichida ishtirok etadi. O‘zbekiston Superligasi 12-turi doirasida OFK tomonidan belgilangan o‘yinda Rahimbek Karimov hakamlik qiladi va ushbu uchrashuvga OFK rekrutori tashrif buyurib, uni sinovdan o‘tkazadi. FIFA referimizga ushbu bosqichda ham muvaffaqiyat tilaymiz!" - deyiladi O‘zbekiston futbol hakamlari markazi bayonotida.
