Madridning “Real” klubi Vinisius Juniorni haqorat qilgani uchun Ispaniya Bosh prokuraturasiga murojaat qildi.
La Liganing 35-turidan o‘rin olgan o‘yinda “Valensiya” muxlislari Vinisiusni “maymun” va “ahmoq” deb haqorat qilishdi, bu esa janjalga sabab bo‘ldi. Natijada o‘yin 8 daqiqaga to‘xtatildi. Stadionning ommaga murojaat qilish tizimida irqchilikka asoslangan haqoratlar haqida e’lon qilingan va "Mestalya" stadioni tablosida "Valensiya futboldagi zo‘ravonlik va haqoratlarga qarshi" degan yozuv paydo bo‘ldi.
"Real Madrid" futbol klubi Vinisius Juniorga qarshi sodir bo‘lgan voqealarga keskin qarshilik va qoralashini bildiradi.
Bu faktlar sosial-demokratik huquqiy davlatimizning birgalikda yashash modeliga bevosita hujumdir.
Madridning “Real” klubi bunday hujumlar nafrat bilan bog‘liq jinoyatlar, deb hisoblaydi, shu sababli ular faktlarni tekshirish va aybdorlarni aniqlash maqsadida Bosh prokuraturaga, xususan, jinoyatlarga va kamsitishlarga qarshi kurash bo‘yicha prokuraturaga ariza bilan murojaat qilishgan.
Ispaniya Konstitusiyasining 124-moddasida prokuraturaning vazifalari sifatida qonun ustuvorligi, fuqarolarning huquqlari va jamoat manfaatlarini himoya qilish uchun odil sudlovni amalga oshirishga ko‘maklashish belgilangan.
Shu sababdan va ro‘y bergan voqealarning jiddiyligini inobatga olib, “Real Madrid” xususiy ayblovchi sifatida Bosh prokuraturaga murojaat qildi”, — deyiladi Madrid klubi bayonotida.
