Мадриднинг “Реал” клуби Винисиус Жуниорни ҳақорат қилгани учун Испания Бош прокуратурасига мурожаат қилди.
Ла Лиганинг 35-туридан ўрин олган ўйинда “Валенсия” мухлислари Винисиусни “маймун” ва “аҳмоқ” деб ҳақорат қилишди, бу эса жанжалга сабаб бўлди. Натижада ўйин 8 дақиқага тўхтатилди. Стадионнинг оммага мурожаат қилиш тизимида ирқчиликка асосланган ҳақоратлар ҳақида эълон қилинган ва "Месталья" стадиони таблосида "Валенсия футболдаги зўравонлик ва ҳақоратларга қарши" деган ёзув пайдо бўлди.
"Реал Мадрид" футбол клуби Винисиус Жуниорга қарши содир бўлган воқеаларга кескин қаршилик ва қоралашини билдиради.
Бу фактлар социал-демократик ҳуқуқий давлатимизнинг биргаликда яшаш моделига бевосита ҳужумдир.
Мадриднинг “Реал” клуби бундай ҳужумлар нафрат билан боғлиқ жиноятлар, деб ҳисоблайди, шу сабабли улар фактларни текшириш ва айбдорларни аниқлаш мақсадида Бош прокуратурага, хусусан, жиноятларга ва камситишларга қарши кураш бўйича прокуратурага ариза билан мурожаат қилишган.
Испания Конституциясининг 124-моддасида прокуратуранинг вазифалари сифатида қонун устуворлиги, фуқароларнинг ҳуқуқлари ва жамоат манфаатларини ҳимоя қилиш учун одил судловни амалга оширишга кўмаклашиш белгиланган.
Шу сабабдан ва рўй берган воқеаларнинг жиддийлигини инобатга олиб, “Реал Мадрид” хусусий айбловчи сифатида Бош прокуратурага мурожаат қилди”, — дейилади Мадрид клуби баёнотида.
