“Roma” bosh murabbiyi Joze Mourinyo moliyaviy firibgarlik uchun Turinning “Yuventus” klubidan 10 ochko olib qo‘yilgani haqida gapirdi.
“Men butun jamoaga achinaman. Mavsum tugashiga ikki tur qolganda bunday qaror haqida bilib olish qandaydir shafqatsiz hazil. Men o‘z ishini bajarayotgan, lekin boshqalarning xatolari uchun badal to‘layotgan mutaxassislarga achinaman, - deydi portugaliyalik mutaxassis.
Ruhiy tushkunlikka tushgan “Yuventus” “Empoli”dan 1:4 hisobida mag‘lub bo‘ldi. 36 turdan keyin 59 ochko bilan “keksa senyora” A Seriya turnir jadvalida yettinchi o‘rinda bormoqda.
