“Рома” бош мураббийи Жозе Моуриньо молиявий фирибгарлик учун Туриннинг “Ювентус” клубидан 10 очко олиб қўйилгани ҳақида гапирди.
“Мен бутун жамоага ачинаман. Мавсум тугашига икки тур қолганда бундай қарор ҳақида билиб олиш қандайдир шафқатсиз ҳазил. Мен ўз ишини бажараётган, лекин бошқаларнинг хатолари учун бадал тўлаётган мутахассисларга ачинаман, - дейди португалиялик мутахассис.
Руҳий тушкунликка тушган “Ювентус” “Эмполи”дан 1:4 ҳисобида мағлуб бўлди. 36 турдан кейин 59 очко билан “кекса сеньора” А Серия турнир жадвалида еттинчи ўринда бормоқда.
