Turinning "Yuventus" klubi markaziy hujumchisi Dushan Vlaxovich faoliyatini Ispaniya chempionatida davom ettirish imkoniyatiga ega, deya xabar beradi Fichajes.
23 yoshli serbiyalik hujumchi xizmatlariga Madridning “Atletiko” klubi qiziqish bildirmoqda. Potensial kelishuv qiymati 75 million yevroga baholanmoqda. Shu bilan birga, "keksa sinyora" hujumchi bilan xayrlashishni rejalashtirmayapti.
Italiya chempionatining joriy mavsumida Vlaxovich 27 uchrashuvda qatnashib, o‘nta gol urdi va ikkita golli uzatmani amalga oshirdi. Dushan va "Yuventus" o‘rtasidagi amaldagi shartnoma muddati 2026 yilning o‘rtalariga qadar hisoblangan.













