Туриннинг "Ювентус" клуби марказий ҳужумчиси Душан Влахович фаолиятини Испания чемпионатида давом эттириш имкониятига эга, дея хабар беради Fichajes.

23 ёшли сербиялик ҳужумчи хизматларига Мадриднинг “Атлетико” клуби қизиқиш билдирмоқда. Потенциал келишув қиймати 75 миллион еврога баҳоланмоқда. Шу билан бирга, "кекса синьора" ҳужумчи билан хайрлашишни режалаштирмаяпти.

Италия чемпионатининг жорий мавсумида Влахович 27 учрашувда қатнашиб, ўнта гол урди ва иккита голли узатмани амалга оширди. Душан ва "Ювентус" ўртасидаги амалдаги шартнома муддати 2026 йилнинг ўрталарига қадар ҳисобланган.