"Tottenxem" hujumchisi Risharlison "Real" hujumchisi Vinisius Juniorni qo‘llab-quvvatladi. Yaqinda "Valensiya"ga qarshi o‘yinda braziliyalik futbolchi muxlislar tomonidan irqchilikka asoslangan haqoratlarga uchradi.
"Ular har doim qora tanlilarning cho‘qqiga chiqishiga yo‘l qo‘ymaslik uchun hamma narsa qilishgan ... Ammo buyuk bo‘lib tug‘ilgan hech qachon sinmaydi. Tarix kalamushlarni unutib, yovuzlik bilan kurashayotganlar uchun yangi ufqlarni ochadi. Men sen bilanman, Vinni" - deb post qoldirdi Risharlison ijtimoiy tarmoqda.
“Valensiya” – “Real” uchrashuvi “Mestalya” stadionida bo‘lib o‘tdi va o‘yin "ko‘rshapalaklar"ning 1:0 hisobidagi g‘alabasi bilan yakunlandi.
