"Barselona" himoyachisi Jyul Kunde yozgi transfer oynasida jamoasini tark etmoqchi.
Jurnalist Jerar Romeroning so‘zlariga ko‘ra, fransiyalik himoyachi klub rahbariyatiga uning transferi bo‘yicha barcha takliflarni tinglashiga ruxsat bergan.
Kunde himoyaning o‘ng qanotida o‘ynashdan norozi. Fransiyalik futbolchi o‘zining markaziy himoyachisi pozisiyasida o‘ynamoqchi. "Barselona"ga o‘tishdan oldin Jyul himoya markazida o‘ynashiga kafolat olgandi.
Eslatib o‘tamiz, Kunde o‘tgan yozda "Chelsi"ga o‘tishi mumkin edi, ammo yakunda u "Barselona" bilan variantni tanladi va u bilan La Liga chempionligini qo‘lga kiritdi.
