Darvin Nunyes mavsum oxiriga qadar maydonga qaytishi mumkin. "Liverpul" "Sautgempton" jamoasiga qarshi safarda bo‘lib o‘tadigan o‘yinga tayyorgarlik ko‘rmoqda.

Nunyes "Lester" va "Aston Villa" jamoalariga qarshi o‘yinni barmoqlaridagi kichik muammo tufayli o‘tkazib yubordi. Biroq urugvaylik futbolchi mashg‘ulotlarda ko‘rindi. Mashg‘ulotlarda u individual mashqlarni, jumladan, to‘p bilan ishlashni boshladi.

Liverpool Echo nashri xabariga ko‘ra, Yurgen Klopp "Sautgempton"ga qarshi o‘yinda unga ishonishi kutilmoqda.

Hujumchi joriy mavsum “Liverpul” safida 42 ta o‘yinda maydonga tushib, 15 ta gol va 4 ta golli uzatmaga mualliflik qilgan.