Дарвин Нуньес мавсум охирига қадар майдонга қайтиши мумкин. "Ливерпуль" "Саутгемптон" жамоасига қарши сафарда бўлиб ўтадиган ўйинга тайёргарлик кўрмоқда.
Нуньес "Лестер" ва "Астон Вилла" жамоаларига қарши ўйинни бармоқларидаги кичик муаммо туфайли ўтказиб юборди. Бироқ уругвайлик футболчи машғулотларда кўринди. Машғулотларда у индивидуал машқларни, жумладан, тўп билан ишлашни бошлади.
Liverpool Echo нашри хабарига кўра, Юрген Клопп "Саутгемптон"га қарши ўйинда унга ишониши кутилмоқда.
Ҳужумчи жорий мавсум “Ливерпуль” сафида 42 та ўйинда майдонга тушиб, 15 та гол ва 4 та голли узатмага муаллифлик қилган.
