Yangi Zelandiya yoshlar terma jamoasi bosh murabbiyi Darren Beyzli O‘zbekistonga qarshi bo‘lib o‘tgan o‘yin (2:2) borasida o‘z fikrlari bilan o‘rtoqlashdi.

"Biroz hafsalamiz pir bo‘ldi, boisi butun o‘yin davomida hisobda oldinda borib, so‘nggi daqiqalarda gol o‘tkazib yubordik. Yigitlar namoyish etgan jangovarlik va matonat aql bovar qilmas darajada bo‘ldi.

O‘zbekiston — juda yaxshi jamoa. Ular bizga yuqori bosim o‘tkazishdi. Afsuski, ularning qancha bosimini bartaraf etmaylik, so‘nggi daqiqalarda bitta hujumni o‘tkazib yubordik va g‘alabani qo‘ldan chiqardik.

Yigitlar juda og‘ir o‘yin o‘tkazib, yakunda natijadan qoniqish hosil qilishmadi. Biz mag‘lub bo‘lmadik, jahon chempionatida bir ochkoni qo‘lga kiritdik. Bu esa biz uchun yaxshi tajriba bo‘ldi.

Siz shunchaki maydonga chiqib, himoyada yota olmaysiz. Maydonda harakat qilish kerak. Biz hujumkor o‘yin namoyish etishni, ko‘proq zarablarani berishni istagandik. Buning oqibatida 2 ta ajoyib gol urdik. Xerdman tomonidan urilgan gol musobaqaning eng chiroyli goli nominasiyasiga da’vogarlik qilishi mumkin", — dedi Beyzli.