"Lans" hujumchisi Lui Openda "Milan"ning yozgi mavsumdagi asosiy transfer maqsadi hisoblanadi.
Football Italia nashri xabariga ko‘ra, "rossonerilar" belgiyalik futbolchini o‘z safiga qo‘shib olishga intilmoqda.
Openda Yevropaning ko‘plab top-klublari orasida talabga ega, biroq hozirgacha eng katta qiziqish "Milan" tomonidan kuzatilmoqda. Hujumchi Liga 1dagi ilk mavsumini o‘tkazmoqda va u shu kungacha 19 ta gol va 3 ta golli uzatmani amalga oshirdi.
Eslatib o‘tamiz, Openda ushbu mavsumda "Lans"ga Chempionlar ligasiga yo‘l olishiga yordam berdi. Lui avvalroq Belgiya va Niderlandiya chempionatlarida o‘ynagan.
