"Ланс" ҳужумчиси Луи Опенда "Милан"нинг ёзги мавсумдаги асосий трансфер мақсади ҳисобланади.
Football Italia нашри хабарига кўра, "россонерилар" бельгиялик футболчини ўз сафига қўшиб олишга интилмоқда.
Опенда Европанинг кўплаб топ-клублари орасида талабга эга, бироқ ҳозиргача энг катта қизиқиш "Милан" томонидан кузатилмоқда. Ҳужумчи Лига 1даги илк мавсумини ўтказмоқда ва у шу кунгача 19 та гол ва 3 та голли узатмани амалга оширди.
Эслатиб ўтамиз, Опенда ушбу мавсумда "Ланс"га Чемпионлар лигасига йўл олишига ёрдам берди. Луи аввалроқ Бельгия ва Нидерландия чемпионатларида ўйнаган.
