Jordi Albaning "Barselona"ni tark etishi jamoa futbolchilari uchun kutilmagan bo‘ldi.
Cope nashrining xabariga ko‘ra, Albaning qarori haqida futbolchilarning hech biri bilmagan. Jordining o‘zi 11 yil o‘ynagan klubni tark etish bo‘yicha yakuniy qarorni bir kun avval qabul qildi.
Fabrisio Romanoning qo‘shimcha qilishicha, Alba "Barselona"ga qiyin moliyaviy vaziyatni yengishga yordam berish uchun ketishga qaror qilgan. U keyingi mavsum uchun maoshining katta qismidan voz kechadi.
Qayd etilishicha, kelajak haqidagi qaror butunlay Jordiga bog‘liq edi. Joan Laporta va Xavi faoliyatini qayerda davom ettirishini o‘zi hal qilish huquqiga ega bo‘lganini his qilishdi.
Hozircha Albaning yangi klubi bilan kelishuvi yo‘q. Endi u faoliyatini davom ettirish imkoniyatlarini o‘rganib chiqadi.
U hozirgacha “Barselona” safida 458 ta o‘yinda maydonga tushib, 19 ta gol urgan va 91 ta golli uzatmani amalga oshirgan.
