"Vest Xem" yarim himoyachisi Deklan Rays yozgi transfer oynasida "Bavariya"ga o‘tishi mumkin.
Xabarlarga ko‘ra, "bolg‘achilar" va myunxenliklar o‘rtasida angliyalik futbolchining transferi miqdori bo‘yicha muzokaralar allaqachon boshlangan.
"Bavariya" murabbiyi Tomas Tuxel tomonlar o‘rtasidagi muzokara jarayonidan darhol xabardor bo‘lishni istaydi.
Qayd etilishicha, nemis klubi "Vest Xem" xohlagan summani to‘lashi mumkin.
Muzokaralar ilg‘or bosqichda emasligi hozirda aniq, shuningdek, Raysning o‘zi faoliyatini davom ettirish uchun qaysi variantni afzal ko‘rishi noma’lum.
Rays joriy mavsumda 48 o‘yinda 5 gol va 4 golli uzatmaga mualliflik qildi.