"Вест Хэм" ярим ҳимоячиси Деклан Райс ёзги трансфер ойнасида "Бавария"га ўтиши мумкин.
Хабарларга кўра, "болғачилар" ва мюнхенликлар ўртасида англиялик футболчининг трансфери миқдори бўйича музокаралар аллақачон бошланган.
"Бавария" мураббийи Томас Тухель томонлар ўртасидаги музокара жараёнидан дарҳол хабардор бўлишни истайди.
Қайд этилишича, немис клуби "Вест Хэм" хоҳлаган суммани тўлаши мумкин.
Музокаралар илғор босқичда эмаслиги ҳозирда аниқ, шунингдек, Райснинг ўзи фаолиятини давом эттириш учун қайси вариантни афзал кўриши номаълум.
Райс жорий мавсумда 48 ўйинда 5 гол ва 4 голли узатмага муаллифлик қилди.