"Chelsi" yarim himoyachisi Meyson Maunt katta ehtimol bilan jamoadagi so‘nggi o‘yinini o‘tkazdi. Jurnalist Nizar Kinsella xabariga ko‘ra, ingliz futbolchisi shanba kuni bo‘lib o‘tadigan "Nyukasl"ga qarshi o‘yindan so‘ng "Stemford Bridj"da muxlislar bilan xayrlashishni rejalashtirgan.
Eslatib o‘tamiz, Maunt hozirda jarohat olgan va bu mavsumda maydonga tushmaydi. Shunga qaramay, ingliz futbolchisi final hushtagi yangraganidan so‘ng muxlislar bilan xayrlashish uchun "Nyukasl"ga qarshi o‘yinni tomosha qilish uchun stadionda bo‘ladi.
Maunt hozircha "Chelsi" bilan shartnomasini uzaytirishdan bosh tortmoqda. Maurisio Pochettino futbolchini klubda qoldirmoqchi, ammo rahbariyat 100 million yevro miqdorida pul olishsa, uni sotishga tayyor.
