"Челси" ярим ҳимоячиси Мэйсон Маунт катта эҳтимол билан жамоадаги сўнгги ўйинини ўтказди. Журналист Низар Кинселла хабарига кўра, инглиз футболчиси шанба куни бўлиб ўтадиган "Ньюкасл"га қарши ўйиндан сўнг "Стэмфорд Бридж"да мухлислар билан хайрлашишни режалаштирган.
Эслатиб ўтамиз, Маунт ҳозирда жароҳат олган ва бу мавсумда майдонга тушмайди. Шунга қарамай, инглиз футболчиси финал ҳуштаги янграганидан сўнг мухлислар билан хайрлашиш учун "Ньюкасл"га қарши ўйинни томоша қилиш учун стадионда бўлади.
Маунт ҳозирча "Челси" билан шартномасини узайтиришдан бош тортмоқда. Маурисио Почеттино футболчини клубда қолдирмоқчи, аммо раҳбарият 100 миллион евро миқдорида пул олишса, уни сотишга тайёр.
