"Real Sosyedad" yarim himoyachisi David Silva tizzasidan olgan jarohati tufayli mavsumning qolgan qismini o‘tkazib yuboradi.
Mundo Deportivo nashri xabariga ko‘ra, 37 yoshli ispaniyalik futbolchining tiklanishi bir necha hafta davom etadi, shu bois u Ispaniya chempionatining qolgan ikki o‘yinida "Atletiko Madrid" va "Sevilya"ga qarshi o‘yinda jamoasiga yordam bera olmaydi.
Silva joriy mavsumda “Real Sosyedad” safida 34 ta o‘yinda maydonga tushib, 3 ta gol urdi va 7 ta golli uzatmani amalga oshirdi.
Ispaniya chempionatining 36-turidan keyin “Real Sosyedad” 68 ochko bilan turnir jadvalida to‘rtinchi o‘rinda bormoqda. Chempionlar ligasining navbatdagi mavsumiga yo‘llanmani qo‘lga kiritish uchun Silva jamoasi qolgan o‘yinlarda ikki ochko olishi kerak.