"Реал Сосьедад" ярим ҳимоячиси Давид Сильва тиззасидан олган жароҳати туфайли мавсумнинг қолган қисмини ўтказиб юборади.
Mundo Deportivo нашри хабарига кўра, 37 ёшли испаниялик футболчининг тикланиши бир неча ҳафта давом этади, шу боис у Испания чемпионатининг қолган икки ўйинида "Атлетико Мадрид" ва "Севилья"га қарши ўйинда жамоасига ёрдам бера олмайди.
Сильва жорий мавсумда “Реал Сосьедад” сафида 34 та ўйинда майдонга тушиб, 3 та гол урди ва 7 та голли узатмани амалга оширди.
Испания чемпионатининг 36-туридан кейин “Реал Сосьедад” 68 очко билан турнир жадвалида тўртинчи ўринда бормоқда. Чемпионлар лигасининг навбатдаги мавсумига йўлланмани қўлга киритиш учун Сильва жамоаси қолган ўйинларда икки очко олиши керак.
