Xavyer Tebasning fikricha, La Liga hech kimning yordamisiz irqchilikka qarshi kurashmoqda.
La Liga rahbarining so‘zlariga ko‘ra, Ispaniya prokuraturasi davom etayotgan voqealarda irqchilik faktini tan olmaydi, Ispaniya Qirollik futbol federasiyasi esa kichik pul jarimalari bilan cheklanadi.
"Ko‘p hollarda biz hamma narsani yolg‘iz qildik. Bizga hech kim yordam bermadi - na Vinisius, na "Real" va na boshqalar. Mutlaqo yolg‘iz kurashdik.
Biz irqchilikka qarshi kampaniyani davom ettiramiz. Biz ushbu muammoni haqiqatan ham hal qilish uchun yetarli vakolatlarga ega bo‘lishni xohlaymiz. Agar prokuratura haqoratlarni sport raqobati natijasi deb hisoblab, ishlarni yopib qo‘ysa, buni qilish biz uchun juda qiyin", — dedi Tebas.
